2026ko udako bootcampak eta udalekuak Bizkaia Euskaltel Digital Centerren

Euskaltel Fundazioko Bizkaia Euskaltel Digital Centerrek (BEDC) 2026ko udako programazioa aurkeztu du: teknologia, sormena eta adimen artifiziala uztartzen dituzten bost prestakuntza-proposamen, adin guztietarako.

Web garapeneko bootcamp profesional batetik hasi eta gazteenentzako udaleku teknologikoetaraino, eskaintza ekainaren 20tik uztailaren 17ra luzatuko da. Programa guztiek plaza mugatuak izango dituzte.

Eman izena, edo zure seme-alabak inskribatu hemen. Kontuan izan izena emateak ez duela plaza bermatzen; plaza geroago baieztatuko da.

BEDC-en antolatuko diren udako tailer eta kanpamentu guztiak
 

VIBE CODING: sortu aplikazio edo webapp prototipo bat funtzionatzeko prest dagoena 

Bootcampa: vibe coding-a AArekin (ekainak 22 – 26). Camp honetan ZURE APP propioa, webapp-a edo tresna digitala sortuko duzu: zure neurrira diseinatua, zuk egina eta erabiltzeko prest.

Helduei zuzendutako programa bakarra (18 urtetik gorakoentzat) 20 orduko bootcamp profesional bat da, bost goizetan banatua, 9:30etik 13:30era.

Parte-hartzaileek ideia bat app, web edo tresna digital baten prototipo funtzional bihurtzen ikasiko dute, HTML, CSS, JavaScript eta adimen artifiziala oinarri hartuta.

Asteko ibilbidea vibe coding-aren eta prompt eraginkorrak idaztearen oinarrietatik hasi eta azken proiektua argitaratzeraino doa; tartean, interfazen diseinua, funtzionamendu-logika eta adimen artifizialaren laguntzaz egindako akatsen zuzenketa landuko dira.

Plazak 15 pertsonara mugatuta daude. Izen-emateak hemen.

BIDEOPODCASTING TAILERRA: zure podcast eta sketch propioak, argitaratuta

Irratia, podcasting-a eta bideoa AAarekin (ekainak 29 – uztailak 3). Tailer honetan ZURE BIDEOAREN edo podcastaren SKETCHA sortu eta argitaratuta eramango duzu.

12 eta 16 urte bitarteko gazteei zuzenduta, formatu praktikoa eta taldekakoa duen kanpamentu honek audio eta bideo edukiak sortzen irakasten du, adimen artifizialeko tresnen laguntzarekin. 

Lehenengo bi egunetan, parte-hartzaileek gidoia, lokuzioa, ahots-grabazioa eta audio-edizioa landuko dituzte ElevenLabs eta ChatGPT bezalako tresnekin, mini podcast bat sortzeko. 

Gainerako hiru egunak bideo sketch bat grabatu eta editatzera bideratuko dira: eszenen plangintzatik eta kameraren erabileratik hasi eta AA sortzailearekin egindako azken muntaketaraino. 

Plazak 12 pertsonara mugatuta daude. Izen-emateak hemen.

MAKER CAMP: zure 3Dn inprimatutako figura propioa eta kamiseta pertsonalizatua

3D diseinua, AA, errealitate birtuala eta 3D inprimaketa (uztailak 6 – 10). Tailer honetan ZURE 3Dn INPRIMATUTAKO FIGURA PROPIOA eramango duzu, zuk egina, eta kamiseta bat.

12 eta 16 urte bitarteko gazteei zuzenduta, maker camp honek ibilbide oso bat eskaintzen du: ideiatik objektu fisikora.

Parte-hartzaileek beraien pertsonaia, figura edo pieza diseinatuko dute 3D-n Tinkercad bezalako tresnekin, errealitate birtualeko ingurune batean bistaratuko dute, 3D inprimaketarako prestatuko dute Ultimaker Cura edo Bambu Studio bezalako softwarekin, eta, amaitzeko, kamiseta pertsonalizatu bat sortuko dute euren sorkuntzaren renderrarekin. 

Parte-hartzaile bakoitzak bere 3D modeloarekin, inprimatutako figurarekin eta kamisetarekin amaituko du astea. 

Plazak 12 pertsonara mugatuta daude. Izen-emateak hemen.

KIDS ENTREPRENEUR: sortu zure ekintzailetza-proiektu erreal propioa

Ekintzailetza, AA eta 3D prototipatzea (uztailak 13 – 17). Tailer honetan zure EKINTZAILETZA proiektua eta zure ideiaren neurrira sortutako PITCH bat eramango dituzu.

Gazteen ekintzailetza-metodologietan oinarrituta, taldeek (12-14 urte) negozio-ideia bat garatuko dute zerotik hasita: bezeroa zehaztuko dute, enpatia-mapa eta canvas egokitua bezalako tresnekin lan egingo dute, MVP edo prototipo bat diseinatuko dute AAren eta 3D diseinuaren laguntzarekin, eta euren proiektua defendatuko dute epaimahai baten aurrean, pitch motako aurkezpen batean. 

Plazak 12 pertsonara mugatuta daude. Izen-emateak hemen.

UNITY TAILERRA: eraman zure bideojokoa errealitate bihurtuta

Bideojokoen sorkuntza Unityrekin (uztailak 20 – 22). Tailer honetatik ZURE BIDEOJOKOAREKIN aterako zara, prototipo erreal eta funtzional bihurtuta.

Hiru goizetan banatutako 12 ordutan zehar, parte-hartzaileek (12 urtetik aurrera) Unity motor grafikoarekin beren lehen bideojokoa hutsetik sortzen ikasiko dute: hasierako ideiatik eta diseinutik hasi eta jolas daitekeen exekutatzaile bat konpilatzeraino.

Tailerrak mugimendu-mekanikak, oztopoak, bildumagaiak, puntuazioa eta hobekuntza bisuala estaltzen ditu, material, soinu eta diseinu-doikuntzekin. Ez da aurretiazko esperientziarik behar.

Plazak 20 pertsonatara mugatuta daude. Izen-emateak hemen.

Gainera, uztailaren 23tik 26ra, Euskal Encounter ospatuko dugu Bilbao Exhibition Centerren (BEC). Estatuko “partyrik” azkarrena eta zaharrena da, eta sormen digitalari nahiz bideojokoei buruzko jarduerak eskaintzen ditu, besteak beste. Ikasitakoa gustatu bazaizu, zatoz Euskal bertatik bertara ezagutzera!

Tailer guztien ikuspegi komuna: AA STEM bokazioen bideratzaile eta sustatzaile gisa

Hari gidari batek zeharkatzen du uda honetako programazio osoa BEDCn: adimen artifizialeko tresnak laguntza sortzaile eta tekniko gisa integratzen dira, baina protagonismoa beti parte-hartzaileena da.

AAk lagundu egiten dio prozesuari, pertsona edo talde bakoitzaren lana eta sormena ordezkatu gabe, bai “promptak” idazteko, bai ideia bisualak sortzeko, bai audioa editatzeko, bai diseinuak inspiratzeko.

FAQs

Non egiten dira jarduera guztiak?

Euskaltel Fundazioaren eta Bizkaiko Foru Aldundiaren Bizkaia Euskaltel Digital Center (BEDC) egoitzan (Bilboko Euskadi plaza, 9).

Zein da ordutegia?

Programa guztiak goizez emango dira, 9:30etik 13:30era.

Ba al dago helduentzako jarduerarik?

Bai. "Vibe Coding-a AArekin" bootcampa (ekainak 22 – 26) 18 urtetik gorako helduei zuzenduta dago.

Zer adin hartzen dituzte gazteentzako kanpamentuek?

12 urtetik 16 urtera bitartekoak.

Zenbat plaza daude erabilgarri?

Programaren arabera: 20 Unity tailerrean, 15 Vibe Coding bootcampean eta 12 gazteentzako hiru kanpamentuetako bakoitzean.

Beharrezkoa al da aldez aurreko ezagutzak izatea?

Ez. Programa guztiak hasiera-mailatik abiatzen dira eta hutsetik ikasteko diseinatuta daude.

Zer eramaten dute parte-hartzaileek amaitzean?

Programa bakoitzak elementu zehatzak ditu entregatzeko: prototipo funtzional bat (bootcampa), konpilatutako bideojoko bat (Unity tailerra), argitaratutako podcast bat eta sketch bat (irratia eta bideoa), 3D-n inprimatutako figura bat kamiseta pertsonalizatuarekin (Maker Camp) edo proiektu ekintzaile bat pitch eta prototipoarekin (Kids Entrepreneur).

Nolanahi ere, garrantzitsuena, ezagutza da: parte-hartzaileek lan-egun hauetan bereganatzen dituzten gaitasun eta ezagutza guztiak eramango dituzte haiekin, eta etorkizunean aplikatu ahal izango dituzte.